Grálúðumok hjá Sigurey SI árið 1982.
Á árunum á milli 1980 og vel fram yfir árið 1990 þá var oft mikil mokveiði á grálúðunni útvið við Vestfirðina. og togarar frá Vestfjörðum voru ansi atkvæðamiklir á þeim veiðum,
á Patreksfirði árið 1982 þá voru þar tvær stórar fiskverkanir. Oddi HF sem ennþá er til í dag, og Hraðfrystihús Patreksfjarðar. þar landaði meðal annars báturinn Þrymur BA og togarinn Sigurey .
Reyndar er það nú þannig árið 1982 að togarinn Sigurey er skráð Sigurey SI 71 í aflaskýrslum. þó svo að seinna meir þá var togarinn BA.
Sigurey SI fiskaði ansi vel í maí árið 1982, og helst var þá grálúða þar uppistaðan,
Togarinn byrjaði á að landa 189,3 tonnum 10 maí og þá var þorskur uppistaðan í aflanum,
næsti túr var ekki langur, einungis fimm dagar enn aflinn var samt 189,6 tonn og af því þá var grálúða 170 tonn. þetta gerir um 38 tonn á dag,
Síðsta löndun Sigureyjar SI var fullfermi og vel það,
því að Togarinn kom með 232 tonn í land eftir 6 daga túr sem gerir um 39 tonn á dag. af þessum afla þá var grálúða um 225 tonn af aflanum ,
alls landaði því 611 tonnum í maí í 3 löndunum eða 204 tonn í löndun,
Sigurey SI 71 Mynd Haraldur Karlsson