Vestmannaeyjar hefur um ára bil eða var um árabil ein stærsta verstöð Íslands,

 sérstaklega yfir vertíðina, mjög margir bátar réru þaðan á vertíð , og þónokkuð margir togarar voru þar,

 t.d Bergey VE, Klakkur VE, Sindri VE, Halkion VE, Gideon VE, Jón Vídalín VE, Breki VE, Vestmanney VE svo dæmi séu tekin. 

 Auk þess var mikið um loðnubáta sem lönduðu í Vestmannaeyjum.

Árið 2026

Síðan líða árin og bátunum sem róa á vertíð frá Vestmannaeyjum hefur fækkað töluvert, 

og eftir stendur núna árið 2026, að aðeins einn netabátur rær það, Kap VE og togarnir eru orðnir fáir, jú Bergey VE og Vestmanney VE eru þar sem og nýja Sigurbjörg VE,

 og síðan togarinn Breki VE.

Kap VE og Breki VE,  VSV Skip

Breki VE og Kap VE eru báðir gerðir út af Vinnslustöðinni (VSV) í Vestmanneyjum og ólíkt sem hefur verið frá því allt var iðandi af lífi í Vestmanneyjum 

þegar mest allur Eyjaflotinn landaði í Vestmanneyjum þá hafa Kap VE og Breki VE líka landað uppá landi ef þannig má orða það,

 og miklum hluta af aflanum báðum skipunum hefur verið landað í Grundarfirði.

Þorlákshöfn, ekki Landeyjahöfn

Aflanum er síðan ekið í Herjólf, sem samkvæmt öllu ætti að sigla frá Landeyjahöfn,

 en vegna þess að verktakinn sem sér um að moka Landeyjahöfn með skipinu Álfsnesi hefur lítið getað viðhafst þar þá 

hefur Herjólfur þurft að sigla til Þorlákshafnar, og sú sigling tekur mun lengri tíma en frá Landeyjahöfn.

Greinin inná VSV Síðunni

Inná heimasíðu Vinnslusöðvarinnar var núna seinnipartinn í mars skrifaður pistill sem hét “ Flutningar eru ekki lúxus- þeir eru lífæð atvinnulífsins”.

Þar stendur “ hráefni sem berst ofan að landi frá skipum VSV, ( Að mestu Kap VE og Breka VE) , viðskiptabátum, ( t.d Bárður SH) og fiskmörkuðum ,

 flutningar frá Reykjavík hafa brugðist með skömmum fyrirvara, þá er flutningsgeta Herjólfs takmörkuð og flutningar hægir, 

þessi ófyrirsjánleiki veldur því að hráefni kemur annaðhvort of seint eða í ójöfnu magi, 

afleiðingin er sú að vinnslan hefur ekki alltaf getað verið á fullum afköstum eða orðið hráefnislaus á köflum”.

Sömuleiðis hefur verið rask á flutningum með gáma frá höfninni og erlendis. og hafa skip sleppt því að koma til Vestmanneyja útaf veðri.

 Gullver NS 

Til að ráð bót á þessu vandamáli og fá fiskinn sem Kap VE, Breki VE og fleiri eru að landa á Snæfellsnesinu 

 þá hefur Vinnslustöðin keypt togarann Gullver NS sem Síldarvinnslan á Neskaupstað hefur gert út og hefur lagt og liggur Gullver NS núna í Hafnarfirði.

 

Ekki fiskveiðar á Gullveri NS

Gullver NS mun reyndar ekki verða hefbundin togari, en honum verður silgt til Akureyar þar sem að hann mun fá nýtt nafn, 

 og breytingar verða gerðar á togaranum en ekki þannig að hann verði togari, heldur sem flutningatogari. 

 Nýtt nafn kemur á hann sem verður Ísleifur VE 63, en það nafn er mjög þekkt í útgerðarsögu Vestmannaeyja, 

og Vinnslustöðin eignaðist útgerðina sem gerði út Ísleif VE  árið 2015 og gerði út Ísleif VE til árið 2024.

 Verkefni Gullvers /Ísleifs VE 

Verkefni fyrrum Gullvers NS verður tvíþætt, annars vegar sækja fisk að mestu í Grundarfirði og sigla með til Vestmannaeyja,

 og síðan mun Vinnslustöðin nota Gullver til þess að fara með afla sem ekki er unnin heima og vanalega sendur út með gámum, 

að þá verður fiskurinn settur í Gullver og silgt með hann erlendis, annaðhvort á Bretland eða Þýskaland.

Losna við þröskuldinn

Með því að nota togarann til að sækja fisk á Snæfellsnes þá losnar Vinnslustöðin við þennan þröskuld sem Landeyjahöfn er 

að skapa með því að hún sé ekki opin og líka að standa ekki frammi fyrir því að Herjólfur getir ekki tekið trukkanna yfir útaf plássleysi.

 Breytingarnar

Til að Gullver taki sem mest, þá verður millidekkið í togaranum hreinsað að mestu af vinnslutækjum til að hægt sé að kom þar fyrir körum og síðan lestin,

 en lestin í Gullver NS tekur um 130 tonn í lestina og með viðbótinni á milliþilfarinu þá verður hægt að koma fyrir honum um 160 tonn af fiski í körum.

Gullver NS mun fara í slipp á Akureyri eftir páska og ráðgert er að hann verði tilbúinn í maí, fyrir þetta nýja verkefni  

Gullver NS Mynd Þorgeir Baldursson