Þrír bátar eru eftir!
Fyrir nokkru síðan þá var skrifuð frétt hérna á AFlafrettir um það hversu margir bátar myndu verða eftir við Sunnanvert landið á línuveiðum,
núna þegar að maí mánuður er svo til að verða búinn þá eru 3 bátar ennþá á veiðum við sunnanvert landið og er þá verið að miða við minni bátanna
sem eru á línu, ekki stóru bátanna,
Jón Ásbjörnsson RE er ennþá á veiðum við suðurströndina, en hann fór reyndar í slipp í um 10 daga
Sævík GK er búinn að vera í Sandgerði og Grindavík og hefur gengið ansi vel hjá bátnum,
Ef við horfum á síðustu róðranna þá hefur báturinn landað 35 tonnum í 5 róðrum og reyndar mest af því er langa,.
í Sandgerði hefur Margrét GK verið á veiðum og eins og með Sævík GK þá hefur gengið vel hjá henni,
komin með 28 tonn í síðustu 6 róðrum og uppistaðan hjá Margréti GK hefur verið þorskur.
undanfarin ár þá hafa ekki margir bátar verið á línuveiðum við Suðurnesin og því verður fróðlegt að sjá hversu lengi þessir þrír bátar munu
vera á veiðum við sunnanvert landið.
Margrét GK Mynd Gísli Reynisson